Հիմնական Մենք ՏՀՏ Հայաստան Կարիերա Խորհրդատու Նորություններ

Հայաստանյան 10 ՏՀՏ ընկերություններ կմասնակցեն ... Հայաստանյան 10 ՏՀՏ ընկերություններ կմասնակցեն երկրորդ ամենամյա Ինֆորմացիոն Տեխնոլոգիաների Տարածաշրջանային Միջոցառմանը Հայաստանյան 10 ՏՀՏ ընկերություններ կմասնակցեն սույն թվականի հոկտեմբերի 29-30 Վրաստանի մայրաքաղաք  Թբիլիսիում կայանալիք երկրորդ ամենամյա Ինֆորմացիոն Տեխնոլոգիաների Տարածաշրջանային Միջոցառմանը: Մասնակից ընկերությունների թվին են պատկանում E-dram, CHS Verisel Service, Strategic Partners, E-works, Spyur, Lime Tech, Margasoft Corp, IDS Design and Technologies, Grant Thornton Amyot, Macadamian AR: Հայաստանյան ընկերությունների  մասնակցությունը միջոցառմանը կազմակերպում և համակարգում է Ինֆորմացիոն տեխնոլոգիաների ձեռնարկությունների միությունը /ԻՏՁՄ/` USAID/CAPS-ի օժանդակությամբ: «Համագործակցություն նորարարության  և մրցունակության համար» կարգախոսը կրող Ինֆորմացիոն Տեխնոլոգիաների Տարածաշրջանային Միջոցառման նպատակն է ստեղծել  և խթանել Կենտրոնական և Արևելյան Եվրոպայի, Բալթյան երկրների, Կովկասի և Միջին Արևելքի  երկրների պետական և մասնավոր հատվածների, ասոցացիաների և ՏՀՏ ոլորտի այլ ընկերությունների միջև համագործակցությունը` նպաստելու նորարարությունն ու մրցունակությունը: Միջոցառման կամակերպիչներն են Վրաստանի ՏՀՏ Գործարար Խորհուրդը և Վրաստանի Էլեկտրոնային կառավարության զարգացման պետական հանձնաժողովը:Միջոցառումը բաղկացած է երկու մասից. 1. ‹‹Վրաստանի ՏՏ Իննովացիոն Կոնֆերանս 2009››, որի շրջանակներում կկարևորվի ՏՀՏ դերը տարածաշրջանի տնտեսական և սոցիալական զարգացման նախադրյալներ ստեղծելու գործում, կներկայացվեն առաջատար ՏՀՏ ոլորտի մոտեցումներն ու լուծումները: 2. ‹‹Վրաստանի ՏՏ Իննովացիոն մրցանակաբաշխություն 2009››, որի ընթացքում կխրախուսվեն պետական և մասնավոր այն ընկերությունները, որոնք առանձնահատուկ ներդրում են ունեցել ՏՀՏ զարգացման գործում: Մրցանակաբաշխությունը տեղի կունենա սույն թվականի հոկտեմբերի 30-ին: Ժյուրիի կազմում է նաև ԻՏՁՄ-ն: Գործարար ներկայացումներով հանդես կգան հետևյալ հայաստանյան ընկերությունները և կազմակերպությունները. •    ‹‹ԻՏՁՄ-ն` որպես հայաստանյան ՏՀՏ բիզնեսը միավորող կառույց›› թեմայով •    USAID/CAPS-ը` «Մրցունակության և բիզնեսի զարգացման մարտահրավերները Հայաստանում» թեմայով •    Սփյուռքի նախարարության վարչության պետ Տիգրան Հարությունյանը` «Համահայկական ցանց» թեմայով •    «Նորք տեղեկատվական վերլուծական կենտրոն» ՓԲԸ տնօրեն Հայկ Չոբանյանը` «Էլեկտրոնային կառավարումը Հայաստանում` ներկան և ապագան» թեմայով •    E-dram-ը` որպես ինտերնետային վճարման համակարգ •    Strategic Partners` սոցիալական և բիզնես ցանցեր. անցյալը, ներկան և ապագան